ناوەن راگەیانن ئەنجومەن قەزای باڵا ئمڕوو چوارشەممە لە بەیاننامەیگ راگەیان، " تاوانبار بەشداریکردیە لە کوشتن چوارکەس  ک بەشداری  پرسە کردنە، وەلایەن گرووپیگ چەکدار نوایانگیریەێد و وە گولە پەلاماردریەن وە مەبەست تیرۆرستی کوشنەیان".

وتیش " بڕیارەگە وەپای بڕگە مادەیل چوارەم/١ وە بەڵگە مادەی دویەم/١ لە یاسای دژەتیرۆر شمارە ١٣ ساڵ ٢٠٠٥ دەرچگە".

هەمیش دادگای تاوانەیل واست، سزای 15 ساڵ زیندانیکردن وەبان زیندانیگ دەرکرد وە توومەت کیشان مادەی هووشبەر.

ناوەن راگەیانن ئەنجومەن داد باڵا لە دویەم بەیاننامەی راگەیان، " زیندانیگ دان وە ئەوەگ دانایە زیاتر لە (٣٨) ساڵە مادەی هووشبەر کیشێد، کە  لە گوزەشتە جویر (ئەڤیۆن)، و ماوەی دوو ساڵە ئاڵشتی کردیە وە "کریستال"، وەبڕ ٨٠٠ هەزار دینار لە یەکیگ لە بازرگانەیل هووشبەر سەنیەسێ، وەرجە ساڵیگ (٢٣٠) گرام سەنیە وەبڕ دوو ملیۆن دینار تەنیا وە مەبەست کیشانی".

وتیش " سزاگە وەپای بڕگە مادەیل ٢٨/ یەکەم لە یاسای مادەی هووشبەر و کاریگەری دەروینیەیل شمارە ٥٠ ساڵ ٢٠١٧ دریاگە".