شەفەق نیوز/ کامیرایل شەفەق نیوز، ئمڕوو شەممە، تۆمار دروسکردن فەوج نوویگ ئەرا حەشد شەعبی لە کوردەگان لە کەرکوک کرد، ئەرک ئارامگردن ئەو ناوچەیلە ک زۆرینەیان لە نەتەوەی کوردن لە پارێزگا دابڕیایەگە هەڵگرن.
ئەدهەم جمعە، وەرپرس حەشد شەعبی کوردی لە کۆنگرەیگ رۆژنامەوانی لە رسوومەیل راگەیانن ئی دروسکریاگە، وت: مووڵەت لە دەزگای حەشد لەبان دروسکرنی بریاکە، و ئەوەسا لە ناوچەیل باشوور خوەرئاوای کرکوک بڵاوبوون.
وتیش؛ ئی فەوجە ١٢٠ جەنگاوەر کورد هاناوی، و ئەوەسا خود ئەرکەیل هێزەیڵ حەشد ئەنجام دەێد، و خود شایستەیل وەرگرێد.
لەلای خوەییش، عەدنان نەجار ئۆغلۆ راوێژکار وەرپرس تەوەر باکووری حەشد شەعبی لە وتاریگ تایبەت ئەرا ئاژانس شەفەق نیوز وت: رکداریمن لەبان دروسکردن فەوجەیلیگ تر ئەرا کورد، و ئومید خوازیمن لە ئایندە ئی فەوجەیلە بوونە لیوایگ لە حەشد، و دیاریکرد ک ئی فەوجە ئەوەسا مقەیەتی ناوچەگانی کەێد، و بوونە پاڵپشتییگ ئەرا هووزەگان.