شەفەق نیوز/ شانەی راگەیانن ئەمنی، ئمڕوو چوارشەممە، خەوەردا ک فڕۆکەیل جەنگی عراق، گورزیگ لەبان دوو ئەشکەفت لە پارێزگای کەرکوک وەشانن، ئەندامەیل ریخریاگ داعش خوەیان لەناویان شارنەو.
شانەگە لەبەیاننامەیگ ئمڕوو وت: لەبنەمای زانیارەیل هۊردیگ لەلایەن دەزگای دژەتیرۆر، وەهەماهەنگی وەرد شانەی ئامانجکردن لە فەرماندەی ئۆپراسیۆنەیل هاوبەش، فەرماندەی هێز ئاسمانی وە فڕۆکەیل F_16 عراق، گورزیگ ئاسمانی لەبان دوو ئەشکەفت وەشانن ک بۊنەسە حەشارگەی ئەندامە تیرۆریستەیلە لەناوچەی قۆشقایە لە پارێزگای کەرکوک.
وەگورەی بەیاننامەگە، دوو حەشارگەگە وەتەواوی داغان کریا، و هێزیگ رۊ وەرەو ئەو شۊنە کرد.
ئاژانس شەفەق نیوز ئی پارچە ڤیدیۆ ئەرا گورزەگە بڵاو کەێد: