وەڕیەوبەر فەرمانگەی کووچ و کووچبەرەیل لە خانەقین عەلی غازی وە ئاژانس شەفەق نیوز وت، "فەرمانگەگەی رەزامەنی پارێزگا وەرگردیە ئەرا دەسکردن وە پرۆژەی تیکڵاکردن خیزانە ئاوارەیل خانەقین"، وتیش " تێکڵابوینەگە مەرجدارە یا لە شوین ئاوارەبوینیان مینن یا خوەیبەخشانە گلەوخوەن ئەرا ناوچەگەیان یا شوین سێیەم هەڵوەژن".

دیاریکرد" ناجیگیری ئەمنی لە دیاڵە ساڵ 2014 بویە هووکار ئاوارەبوین 22900 خیزان، زیاتر لە 22 هەزار خیزان ئەرا ناوچەی خوەیان گلەوخواردنە و فایل ئاوارەبوینیان بەسانە، ئەوەگ مینێدەو زیاتر لە 7000 خیزان لە خانەقین مەننە پرۆژەی تیکڵابوین گرێدەیانەو.

ئەو وەرپرس ناوخوەییە ئامار ئاوارەیل دیالە لە هەرێم کوردستان ( سلێمانی و گەرمیان) کرد، و دووپاتکرد " نزیکەی 1000 خیزان هەس ک 100 خیزان لەلیان لە کامپ (تازەدێ و قورەتون) لە گەرمیان.

وتیش " ئەو دوو کامپە بیجگە لە دیاله سەدان خیزان ئاوارەیل نەینەوا و ئەنبار و سەڵاحەدین گرێدە خوەی"، وتیش " هەرێم کوردستان رەزامەنی نەیایە لەبان تیکڵاکردن خیزانە ئاوارەی پارێزگایەیل".