شەفەق نیوز/ ئاژانس هەواڵگیری عراقی، ئمڕوو دووشەممە، خەوەردا لە دەسگیرکردن کەسیگ ناسریاگە وە وەرپرس " گواستنەوە" لە دیوان رێکخریاگ "داعش" لە کەرکوک.
لە بەیاننامەیگ رەسیە ئاژانس شەفەق نیوز راگەیان، ئاژانس هەواڵگێری و لێکۆڵینەوەی فیدراڵی لە وەزارەت ناوخوەی لەی ئۆپراسیۆنەیل ئەمنیان ئەرا چەودێریکردن چەتەیل تیرۆرستی داعش، مەفرەزەیل ئاژانسەگە لە پارێزگای کەرکوک و لەماوەی کوڵەی قایمیگ توەنستنە داواکریاییگ دەسگیربکەن وەپای بڕگەیل مادەی چوار لە یاسای سزادان دژە تیرۆر.
ئاشکەرایکرد، توومەتبارەگە جویر وەرپرس گواستنەوە کارکردیە، ئاسانکاریکردیە ئەرا رەدبوین تیرۆرستەیل لە عراقەو ئەرا سوریا، و بڕیگ ناسنامەیل ساختە وەپی گیریایە ک تەقەلادایە لە دەزگایەیل ئەمنی بشاردیانەو.