شەفەق نیوز/ ئاژانس سەروە وەزارەت ناوخۆ، ئمڕوو یەکشەممە، راگەیان دەسگیرکردن یەکیگ لە سەرکردەیل ریخریاگ داعش لە پارێزگای کەرکوک،  جوور فەرماندەی مەفرەزە سەربازیەگان لە کەرتەیل نەینەواو کەرکوک و پۆلیس ئیسلامی لە ریخریایەگە کار کەێد.

ئاژانسەگە لەبەیانامەیگ ئمڕوو وت: مەفرەزەگانی توێنستن یەکیگ لە سەرکردەیل داعش وەگورەی مادەی ٤ تیرۆر دەسگیر بکەن، و هەمیش لە بنەمای دەرچگن چەن یادداشتیگ لەبانی لەوەر لایەنگریی ئەرا داعش، و کارکردنی جوور فەرماندەی مەفرەزە سەربازیەگان لە کەرتەیل کەرکوک و نەینەوا و پۆلیس ئیسلامی لە ناو چەتەیل داعش.

بەیاننامەگە وتیش: توومەتبارەگە وەشیوەی سەرباز لە فیرقەی قادسیە و دیوان لێکۆڵینەوە و گەشەپێدان کار کردگە، و دویای دروسکردن تیمیگ تایبەت و کوڵەگردن توکمەیگ و چگن وەناو ماڵەگەی لە ناحیەی شوان لە پارێزگای کەرکوک، و قسەیل ئاشکراکردنی واژوو کریان و ریکارە یاساییەگان وەرانەوری بریان.