شەفەق نیوز/ فەرماندەیی ئۆپراسیۆنەیل بەغداد، ئمڕوو پەنجشەممە، دەسگیرکردن دوو تیرۆرست و کەسیگ توومەتبار وە بازرگانیکردن وە ئەندامەیل مرۆڤ لە ناوچە جیاوازەیل پایتەخت راگەیان.
فەرماندەیەگە لە بەیاناامەیگ رەسیە ئاژانس شەفەق نیوز راگەیان، "وەگەرد ئۆپراسیۆنەیل مینەکردن و وەشکنین ناوچەیل و خەسەوکردن تەقەلای هەواڵگێری، هێزەیل هاوبەش تیپ دویەم ، و تیپ میکانیزم لە پۆلیس فیدڕاڵی وە هاوکاری بەش هەواڵگێری و ئاسایش فەرماندەیی ئۆپراسیۆنەگان بەغداد توەنستن توومەتباریگ وای مادەی 4/1 دەسگیربکەن کە سەر وە رێکخریاگ داعشە، لەدویای توومارکردن جموجویل و ئەو شوینەی ها لەلی لە یەکیگ لەناوچەی باشوور بەغداد".
وتیش "هێزیگ لە تیپ میکانیزم پۆلیس فیدراڵی تیرۆرست ترەک دەسگیرکردن سەر وە چەتەیل داعش لە دویای دانان کوڵەی تونیگ ئەرای و دەسگیرکردنی لە ناوچی وەرپرسیاری".
دیاریکرد توومەتباریگ ترەک وە توومەت بازرگانیکردن وەئەندامەیل مرۆڤ لە ناوچەی دەورەی کەرخ دەسگیرکریا، دووپاتکرد توومەتبارگە رادەس لایەنیل تایوەت کریا تا سزای دادپەروەنە وەربگرن.