شەفەق نیوز/ وەزارەت ناوخۆی عراق، ئمڕوو چوارشەممە، دەسگیرکردن بازرگانیگ ناودەوڵەتی راگەیان زیاتر لە ٣٠٠ دەنگە حەب کپتاگۆن هووشبەر وەپی بویە، ئەوەیش لەناوەین پارێزیگایل کەرکوک و سلێمانی.
عەمید موقداد میری قسەکەر وەزارەت ناوخۆ و شانەی راگەیانن ئەمنی لە بەیاننامەیگ رەسیە ئاژانس شەفەق نیوز وت: وە ئۆپراسیۆنیگ ئەمنی وەگورەی زانیارییەیل هەواڵگری هویرد، وەڕێوەبەرایەتی گشتی کاروبار هووشبەری یەکیگ لە بازرگانەیل ناودەوڵەتی دەسگیر کرد کە ٣٢٠ دەنگە حەب کپتاگۆن هووشبەر وەپی بویە، کە ٥٥ کلیو کەێد.
وتیش: دەسگیرکردن ئەو بازرگان هووشبەریە لەناوەین پارێزیگایل کەرکوک و سلێمانی هات، وە سەرپەرشتی وەڕیەوبەر هووشبەری کەرکوک وە هاوکاری وەرد دەسەی لێکۆڵینەوە.