شەفەق نیوز/ دەسەی دارایی لە پەرلەمان عراق، ئمڕوو سێشەممە، راگەیان رەسین ئەرا رێککەفتنیگ نیمچە کۆتایی لەبان بودجەی ٢٠٢١، بیجگە بەشەگەی هەرێم کوردستان.
دەسەگە لە بەیاننامەیگ رەسیە ئاژانس شەفەق نیوز وت: کتاویگ ئەرا سەرۆکایەتی ئەنجومەن نۆێنەران لە پانزەی شوبات رەوانە کردگە، لەناوی وتگە ک خوەی رەشنووس نیمچە کۆتایی پڕۆژەی بوودجەی ٢٩٢١ تەواو کردگە، و تەنیا خاڵیگ ک هیمان گیر هاتگە خوەی ئەو دەقەسە ک تایبەتە وە پابەندیەگان هەرێم کوردستان، ک لە مادەی ١١ لە پڕۆژەی بوودجەگە باسی کریاگە.
وتیش؛ وەگەرد فراکسیۆنە سیاسیەگان لە جووراجور پێکهاتەگان ئەرا نزیکەوکردن بۆچوونەگان و دەرچگن وە هەماهەنگییگ لەو رەشنووسە کۆبونەوە کردیمن، وەلی تا ئیسە چەوەڕی شیوەیگ کۆتایی ئەرا رێککەفتنەگە لەباوەت مادەگە کەیمن ک پەیوەندی وە هەرێم دیرێد.
دەسەگە وتیش؛ لەو پێشەکیە، داوا لە گشت فراکسیۆنە پەیوەندیدارەگان کەیمن زوی لە گفتوگۆەیلیان بکەن ئەرا رێککەفتن لەباوەت ئەوەگ لەناو رەشنووەگە هاتگە.
و ئاماژە کرد ک هەرچەن بەشیگ هەس ک خوازن تیکڵای قاڤدقەزەگان بکەن و پەلامار وقسە لەبان ئەندامەیلی بکەن، بەڵکم خوەیان تەقەلایل گەورایگ دان تا گشت مافەیل هاووڵاتییەگان لە فەرمانبەرەیل و نا فەرمانبەر و کارمەنەیل لە گشت کەرتەگان و ئەرا گشت پێکهاتاگان لەناو پڕۆژەی بوودجەگە بوود، وەئاست خود چینەگان یا وەزارەتەگان و پارێزگاگان ئەرا دروسکردن پڕۆژە خزمەتگوزارییەگان و ستڕاتیژیەگان، و داناین مافەیل کارمەنەگان لە کەرت گشتی وەتایبەت.
لە خود باوەتەگە، سەرچەوەیگ لە فراکسیۆن پارت دیموکرات کوردستان، ئاشکرا کرد ک شاندیگ کوردی ئەوەسا لەماوەی ٢٤ ساعەت روی کەێدە بەغداد، ئەرا یەکلاکردنەوەی بەشەگەی هەرێم کوردستان لە بوودجەی ٢٠٢١.