سلێمانی

یەکیگ لە فەرمانبەرەیل وەریەوبەرایەتی پەیوەندی ک نەخوازێد ناوی ئاشکرا بوود، ئەرا ئاژانس شەفەق نیوز وت: شمارەی گەورەیگ لە فەرمانبەرەیل بایکۆت کار کردن لەوەر فرەیی ساعەتەیل بڕین کارەبا و نەوین سوتەمەنی ئەرا وەکارخستن موەلیدەیل کارەبا.

وتیش: نەسریەی مانگانەی وەریەوبەرایەتیەگە وە 18 بەشەگەی لە یەک مەلیۆن و هەفسەد هەزار دینار زیاتر نییە و بەش سەنین کەرەستە و کاغەز نیەکەێد، ک نیەتوەنیمن سوتەمەنی ئەرا موەلیدەیل کارەبا ئەرا مەوقەی بڕیان کارەبا بسینیمن.

دیاری کرد ک وەریەوبەرایەتیەگە داهات فرەیگ دیرێد باوجی نیەتوەنیمن هویچ پویلیگ لەو داهاتە خەرج بکەیمن، و ئازادی لەوە نەیریمن، و دووپات کرد ک فرە لە کار کۆمپانیایل لەوەر بڕیان کارەبا وسیاگە، ک نیەیلێد چاپ کتاوەیل فەرمی بکەیمن یا چەودیاری بەیاننامەیل فەرمی ئەو کۆمپانیایلە بکەیمن.

نەجەف

لەلاییگتر، پەیامنێر ئاژانس شەفەق نیوز وت: فەرمانبەرەیل گریەبەسی لە زانکۆی کووفە لە پارێزگای نەجەف، دەسکردنه مانگگردن لە وەردەم بارەگای زانکۆگە وەداوای چەسپاننیان لەبان میلاک هەمیشەیی.

زیقار

لە پارێزگای زیقار، پەیامنێر ئاژانس شەفەق نیوز و: سەدان لە دەرچگەیل لە وەردەم بینای دیوان پارێزگای زیقار خوەیاننشاندان وە داوای دامەزرانن لەناو ریکارەیل ئەمنی سەختیگ وەلایەن دەسەڵاتەیل، تایبەت ک رەوش پارێزگاگە نا ئارامە دویای ئەو رویداوەیل دویایینە  

بەسرە

لە بەسرە، سەرچەوەیگ ئەمنی وت: هیزیگ ئەمنی 50 لە خوەینشاندەرەیل وەردم پاڵاو نەفتی شعێبە دەسگیر کردن، دیاری کرد ک زاقترین داوایل خوەینشاندەرەیل خوەی پەیاکردن دەرفەتەیل کار لەجیای وەکارخستن بیگانە لەو کۆمپانیایلە ک لە باڵاو و کێلگەیل نەفتی لە پارێزگاگە کار کەن.