شەفەق نیوز/ سەرچەوەیگ لە دیالە، ئمڕوو سێشەممە، خەوەردا لە تەقیان ماشینیگ بارهەڵگر ک "فەندەک" باری بویە، لە دەورگرد ناحیەی عزێم باکوور دیالە.
سەرچەوەگە ئەرا ئاژانس شەفەق نیوز وت: تەقینەوەگە لەئەنجام بەرزەوبوین پلەی گەرمی بوی، ک ئەو ماشینە بڕیگ فەندەک و دەرمان جوانکاری باری بویە.
وتیش: تەقیانەگە بویە هووکار سزیان بارهەڵگرەگە وە تەواوی، وەبی زەرەد گیانی یا زەخمداری، و تیمەیل وەرگری شارستانی توەنستن ئاگرەگە کپەو بکەن.