لە راپۆرتیگ لەباوەت  کاریگەریی نائاسایش خوەراک لە خوەرھەڵات ناوڕاس، بانکەگە ک ئاژانس شەفەق نیوز نووڕیەی، وت: خوازینەیل عراق لە ماوەی ساڵ 2022 مەزەنە کریا ئەرا دابینکردن خوازینەیلی تا ئابووری ئەوزەڵکردن لە وەخت کوڵیگ بڕەسنێدە ئەو کەسەیلە ک لەدەس خەەراک ناڵن (کەمترین بڕ کالۆری) ٢.٠٢ ملیار دۆلار خوازێد.

باس ئەوەیش کرد ک مەزەنە کریەێد ئی خوازینەیلە لە عراق لە ساڵ 2023 بڕەسێدە ناوەین 1.72-2.33 ملیار دۆلار، لە ساڵ 2024یش بڕەسێدە ناوەین 1.67-2.58 ملیار دۆلار، لە ساڵ 2026یش بڕەسێدە ناوەین 1.65-3.27 ملیار دۆلار".

 وەپەی ئامار بانک ناودەوڵەتی، ئەو کەسەیلەگ وەدەس نائاسایش خوەراک سەختیگ ناڵن، وەو ژمارەی ئەو کەسەیلەگ ک زانن لەناو خەڵکەگە لەو خیزانەیلەن ک  ک وەدەس نائاسایش خوەراک سەخت ناڵن، واتە  ئەگەر لەلای کەمەو کەسیگ بفام لە خیزانەگە لە ماوەی ساڵیگ نەمان تاقە خوەراکیگ یا هەسکردن وە ورسگی، یا ناچاربوین ئەرا یەک رووژ وەبی نانخواردن لەوەر کەمی پویل یا سەرچەوەیگتر.

 وتیش: فرەترین وڵاتەیل عەرەبی ک خوازینیان و  دابینکردن پویل ئەوزەڵکردن لە وەماوەی کوڵ ئەرا ئەو کەسەیلەگ وەدەس نائاسایش خوەراک ناڵن، خوەی دەوڵەت یەمەنە، ک لە ساڵ ٢٠٢٢ وە ١٣.٣٢ ملیار دۆلار مەزەنە کریا، لە دویای ئەویش سوریا تیەێد وە ٤.٣  ملیار دۆلار، لە دویای ئەویش وڵات میسر تیەێد ک وە 3.45 ملیار دۆلار مەزەنە کریەێد.