شەفەق نیوز/ دەسەی دارایی لە پەرلەمان عراق، ئمڕوو یەکشەممە، کۆبونەوەیگ ئەرا تۆێژینەوەی پڕۆژەی بوودجەی گشتی ئەرا ساڵ ٢٠٢١ کردن، ک دوێەکە ئەنجومەن نۆێنەران یەکەم خوەنستنی تەواو کرد.
سەرچەوەیگ ئەرا ئاژانس شەفەق نیوز وت: کۆبونەوەگە وە ئامانج دیاریکردن ئەو تەوەرەیلە تیەێد ک راسەوکردن خوازن.
و ئاماژە کرد ک نزیکەی ١٥ تەوەر لە ناوی راسەوکردن خوازێد، لەلیان بڕین باجەگان لە مووچەیل فەرمانبەرەگان و خەرجەیل بەرهەمهاوردنەگانە.
هەمیش حەسەن کەعبی یەکەم جیگر سەرۆک پەرلەمان کۆبونەوەیگ وەگەرد وەرپرسەیل و نۆێنەرەیل فراکسیۆنە سیاسیەگان کرد، ئەرا باسکردن لە بەندەیل یاسای بوودجەگە، جوور ئامادەگارییگ ئەرا دوویەم خوەنستن لە دانیشتنەگەی سوو دووشەممە.