شەفەق نیوز/ وەرپرسیگ حکومەتی لە دیالە، ئمڕوو پەنجشەممە، دووپاتکرد ک رێژەیل گواستنەوەی بازرگانی لە مەرز مەنەلی لە سنوورەگە وەگەرد ئیران لەماوەیل گوزەیشتە وە رێژەی ٢٠٪ بەرزەوبوی.
مازن ئەکرەم جینشین وەڕێۆبەر ناحیەی مەنەلی ئەرا ئاژانس شەفەق نیوز وت: ریەیل کاروانە بازرگانیەگان وەرەو مەرز مەنەلی وەرێژەی زیاتر لە ٢٠٪ بەرزەوبوی، ک خوەی نیشانەی خاسیکە ئەرا هاتنەوەی ئەوزەڵکردن مەرزەگە لە کارکردن و کەمەوکردن لە قەیران ژیان و گوزرانی لە مەنەلی لەوەر بیکاری و کاریگەریەیل ڤایڕۆس کۆڕۆنا.
ئەکرەم دیاریکرد ک زاقترین شمەکەیل ک لە مەرز مەنەلی تیەن خوەیان سیرامیک و چشتەیل بیناسازی و پاکەوکرەوەگان وە بی میوە و سەوزەمەنی ک لە مەرزەیلیگ تر تیەنە ناو عراق.
هەمیش وت؛ هەرچەن ئاست گواستنەوەی بازرگانی وەشیوەیگ ئاشکرا بەرزەو بویە، بەڵکم مەرزەگە تا ئیسە لەلایەن ئابووری وەگورەی وەرحە پەتای کۆڕونا خاسەو نەویە.