شەفەق نیوز/ وەڕێەوبەرایەتی پۆلیس بەغداد، ئمڕوو سێشەممە، ئازادکردن دوو دویەت رفیاگ راگەیان و دەسگیرکردن یەکیگ لە بڕفنەیل لە ناوچەی حسێنیە باکوور بەغداد پایتەخت.

پۆلیس بەغداد لە بەیاننامەیگ رەسیە ئاژانس شەفەق نیوز وت: دەوریەیل پۆلیس زهور وە هاوکاری دەزگا ئەمنیەیل دەسکردنە مینەکردن دوو دویەت رفیاگ لەناوچەی حسێنیە، دویای رەسین ئاگاداری لە کەسوکاریان.

بەیاننامەگە وتیش: دویای وەرگردن مووڵەت فەرمی تیمیگ دروسکریا، و شوین رفیاگەیل دیاری کریا، وەکوتپڕ چینە ناو ماڵەگە و دوو دویەتە رفیایەگە ئازاد کریان، و یەکیگ لە توومەتبارەیل دەسگیر کریا ک رفیانەگە جیوەجی کردیە.

پۆلیس وتیش: دەسنریا بان دوو تفەنگ کلاشینکۆف، و دوو تفەنگ سیمینۆف، و دەوانچەیگ و پەنج مەخزەن گولە، و مادەی کریستال هوشبەر وەگەرد ئامیرەیل وەکارهاوردنی، و چەقوو و تیخ، و درۆن کامیرا، لەناو ماڵ توومەتبارەگە.