شەفەق نیوز/ وەزارەت تەندروسی عراق، ئمڕوو دووشەممە، ئامار نوویگ لە بیماری تەو خۊنوەربۊن راگەیان، لەماوەی سەرهەڵدانی لە پارێزگایەیل عراق لە مانگ نیسان 2022ەو.  

وەزارەتەگە وەپای راگەیاننیگ حکومەتی وت: " تویشهاتن وە بیماری تەو خۊنوەربۊن رەسیە وە 142 پسای تویشهاتن"، دیاریکرد،"24 توشبوی بیماریەگە گیان لە دەسدانە". 

دیمەنەیل پەس هەڵواسیای  سەربڕیای لە فرەیگ لە شوینەیل و ریوبانەیل عراق دوینرێد، خۊن لەلیان تکێد و مەگەسەیلەش هانە بان گوشتەگە وە دەوری باڵەوگرێد، ئی گوشت پیسە فروشێد ک هوکار بیماریە وەبی هویچ  کۆنترۆڵ و سنوردارکردنیگ.  

وەپای رێکخریاگ تەندروسی جەهانی، تەو خۊنوەربۊن بیماری ڤایرۆسییگە رێژەی مردن وەپی رەسێد ئەرا 40%. 

ڤایرۆسەگە لە رێ کێلگەی پەلەوەر و پەس ئەرا ئایەم چوود، لە کەسیگەوە ئەرا کەسیگەوە لە ری پەیوەندی راستەوخۆ وە خۊن تویشبویەگە یا دەرداوەگان یان شلەمەنی لەشی گوازێد.