شەفەق نیوز/ ٦ کارمەن لەلای کەمەو لە کۆمپانیای ئەمازۆن ک لەناو ئەمارەگەی کار کەن لە نزیک سانت لویس ئەمریکا کوشیان، ئەوەیش هەنای گەردەلۊل ناوچەگە گردە وەر، ک قەواسەی ئەمارەگە رمان و یەکیگ لە دیوارەیلی کەفتە بان کارمەنەیلە.
وەرپرس ئاگرکپەوکرد، جیمس ويتفورد وت: ٤٥ لە فەرمانبەرەیل ئەمازۆن لە دامەزراو ئیدواردزفیل لە ویلایەت ئیلینوی لەمردن قورتار بۊن، ئەوەیش وەگورەی ئاژانس رۆیتەرز.
دەسەڵاتەیلە دەس لە ئومید پەیاکرد زنیەیلیگ تر شووردن، ک شایەت چەن رووژیگ بکەفنە تەقەلای دراوردن تەرمەیلە.
گەردەلۊلەیل ٦ ویلایەت ئەمریکی لە رووژ جمعە گردنە وەر، ک ماڵ و کۆمپانیاییلگ وە رمیاگ هیشتە جی.