شەفەق نیوز/ ویلایەتەیل یەکگردگ ئەمریکی، ئمڕوو دووشەممە، نفرەت ئەو گورز ئیرانیە کرد ک ناوچەیلیگ لە هەرێم کوردستان کردە ئامانج، و دووپات لە پشتگیریکردن سەرکردەیل بەغداد و هەرێم کوردستان کرد.

ئەلینا رۆمانوسکی خانمە باڵیۆز ئەمریکا لە عراق لەبان تویتەر نویسان: ئەمریکا وە زبری نفرەت ئەو پەلامارە ئمڕووە وە مووشەک و فڕۆکەیل بێفڕۆکەوان ئیرانی لەبان هەرێم کوردستان عراق کەێد، و داوا لە ئیران کرد واز لە پەلامارداین عراق هاوسای وگەل عراق بارێد.

دووپات کرد ک وڵاتەگەی وەگەرد سەرکردەیل بەغداد و هەرێم کوردستان وسێد، و شەرمەزار ئەو دەسدرویژیە لەبان سەروەری عراق کەێد.

وەرجەیە، شاند نەتەوە یەکگرتگەیل لە عراق، یۆنامی،  شەرمەزار ئەو گورز ئیرانیە کرد ک ناوچەیلیگ لە هەرێم کوردستان کردە ئامانج، و داوا لە لایەنەیل عراقی و ئیرانه کرد گفتوگۆ لەباوەت شوینەیلە بکەن ک لەلایەن ئاسایش چووڵن.