شەفەق نیوز/ لەوەر وەفروارین لە کۊیەی لەوزی ناوچەی تەبووک سعودی وە تەواوی چەرمگ بۊیە، یەیش بۊیەسە جی سەرنج مەردمەگە لەوەر ئەوەگ یەکیگە لەو ناوچەیلە زیاتر وەختەیل کەش وهەوای گەرمتر دیرێد وە بەراورد وە ناوچەیلتر.
وەگورەی ماڵپەڕە هەواڵییەیل سعودییە، مەردم خوەشی فرەیگ لە نووڕستن دیمەنەیل وەفروارین دۊنن و خوازن سەردان کۊیە بکەن و لەنزیکەو وەفروارینەگە بۊنن.
لەو زنجیرە کۊیە ک کەفێدە باکوور خوەرئاوای سعودییە و نزیک سنور وڵات ئەردەنە و کەفێدە ناوچەی تەبووک و نزیکەی ٢٠٠ کیلۆمەتر لە شار تەبووک دۊرە، دۊیکە لەوەر وەفروارین کۊیلە چەرمگ پوشینە.
بەرزی زنجیرە کۊیەگە دوو هەزار و ٥٨٠ کیلۆمەتر لە ئاست رۊی دەریا بەرزە و وە یەکیگ لە بەرزترین لوتکە کۊیەیل لە ناوچەی حەسامیە ک درۊژکریای کۊیەی سەرواتە لە خوەرئاوای تەبووک ئەرا وادی رووم لە ئەردەن و ناو زنجیرە کۊیە لەوز (بادەم) لەوەر فرەیی دار بادەم لە کۊیەگە.