شەفەق نیوز/ وەفروارین سەخت زمسانەیگ لە ناوەڕاس و باکوری خوەرهەڵات ئەمریکا هات و بۊیە هووکار  بڕیان کارەبا  لە هەزاران کەس لە دانشتگەیل و بەسیان مەکتەوەیل لە چەن ویلایەتیگ.  

دەسەی توومار   کەشوهەوای نیشتمانی وت، هوشداری دەرچگە لە گەردەلۊلیگ زمسانە و وەفر ک کاریگەری دروسکەێد لە ناوچە فراوانەیل ویلایەتە یەکگرتگەیل لە تەکساسەو ئەرا ناوەڕاس خوەرئاوای و لە ناو ئینگلتەرا تا شەوەکی جومعە.  

سی ئێن ئێن باسکرد،  زیاتر لە 100 ملیۆن کەس  لەلای کەمەو لە 25 ویلایەت نیگەرانن لە هوشداری  کەش و هەوای زمسان لە رووژ پەنجشەممە.   

وارین وەفر فرەیگ لە خوەرئاوای ناوراس لە رووژ چوارشەممە. لەهەمان کات  بۊیە هووکار تێکچگن گەپیگ لە گەشتەیلە وەگەرد زیاتر لە ٤٠٠٠ گەشت ئاسمانی هەڵوەشرا، وەگورەی ئەوەگ ماڵپەڕ  فلایت وێر ئەلکترۆنی خەوەردا ک چەودێری گەشتەیل ئاسمانی کەێد.  

شەپۆلیگ وەفر وارین سەختیگ ولایەت تکساس و ئارکنسو و کنتاکی و تنیسی گردیەسەو.   

لە دۊیانیمەروو رووژ پەنجشەممەو زیاتر لە 220,000 ماڵ لەکارەیل بازرگانی لە تەکساس، ئارکانساس، میسیسیپی و تێنیسی پەکیان کەفت.