شەفەق نیوز/ دادگایگ لە کەرت سیچوان باشوور وڵات چین، ئمڕوو شەممە، پیاوەیگ داگە سێدارە، وەتاوان سزانن ژن وەرینی، لەباوەتیگ ک تویڕە و رخیگ لەباوەت تونوتیژی ماڵی پەیا کرد.
دادگای گەل لە نگاوای تیبت و چیانگ لە بەیاننامەی کوڵیگ لەبان ئەنتەرنێت وت: فەرمان وەسێدارەدان "تانگ لو" جیوەجی کرد.
"تانگ" لە سێپتەمبەر ٢٠٢٠، ئاگر ژنەگەی دا، لە مەوقەیگ ژنەگە پەخش راستەخو "لایڤ" لەبان ئەنتەرنێت کردیاد، و ئەو ژن ٣٠ ساڵانە ک وەناو "لامو" ناسریاگە، دویای چەن هەفتەیگ وە سوزیانەگە گیانی لەدەسدا.
لەو وەختە، خوەشک لامو خەوەردار میدیای راگەیانن فەرمی کرد ک یە چەن ساڵیگە خوەشکەی لە دەس رەفتارە سەختەیل تانگ ناڵیە، ئەراوە تەڵاق سەنیە.