شەفەق نیوز/ بینیامین نتنیاهو، سەرۆک وەزیرەیل ئیسرائیل، وت: نشانەیل قایمیگ داشتنە لەبان شمارەیگ لە کەسەیل دەسوەسەرکریای لە خەسەخانەی شفا، باوجی هیزەیل ئیسرائیل دویای رەسینیان ئەرا ناو خەسەخانەگە کەسیگ لەوانە پەیا نەکردنە.
نتنیاهو ئەرا کەناڵ سی بی ئێس ئیڤینیگ ئەمریکی وت: نشانەیل قایمیگ داشتیمن کە ئەو کەسەیلە لەناو خەسەخانەی شفا دەسوەسەر کریانە، و یە هیشتیە بچینمە ناو خەسەخانەگە.
سەرۆک وەزیرەیل ئیسرائیل وتیش: ئەگەر لەورا بویاتان وەنە دەریان کردیمن.
جی باسە کە نزیکەی ٢٤٠ کەس لەلای حەماس و باڵەیلیگ فەلەستینی ترەک دەسوەسەر کریانە، ئەوەیش وەگورەی قسەی سوپای ئیسرائیل کە لە پەلامار حەماس لە هەفت تشرین یەکەم بریانە، و تەنیا چوار کەس لەلیان مەرەقەز کریا.