شەفەق نیوز/ ریخریاگ نەتەوە یەکگرتگەیل، لە کۆنگرەی ستۆکهۆڵم لە ساڵ ١٩٧٢ لەژیر دروشم ( ئیمە تەنیا یەک خاک دیریمن) ک تایبەت وە ژینگە بوی، رووژ پەنج حوزەیران دانریا وە رووژ جەهانی ژینگە.
لەو ساڵەوە لە رووژ ٥ حوزەیران لە گشت سالێگ چەن چالاکی و فێستیڤاڵ لەلایەن چالاکوان و ژینگەپارێزەیل فرەی وڵاتەیل وەڕیەو چوود.
چماێ وەرجە پەنجا ساڵ، کڕیگ ئەرا دەسکردن وە خراوبوین ژینگە دانریا، ک لەو رووژ دیاریکردنە تا ئیسە، بیجگە ئاهەنگ و هوشیاری، کاریگ راسی ئەرا ژینگە نەکریاگە، باوجی ساڵ لەدویای ساڵ ئاست دوانەی ئۆکسید کاربۆن هالە زیایبوین، تا رەسیە پلەی فرە رخبەریگ.
لە چەن چالاکییگ بڕیگ لە دڵسوزەیل ژینگە هەڵمەتەیل دارناین کەن، وەلی دویای ماوەیگ، واز لە ئاویارییان تیارن، ورەنج و تەقەلایان هشکەو بوود، چوینکە پاڵپشتییگ حکومەتیگ خوازێد.
بەشیگ لە بیئومیدی کەفێدە ناو هەڵمەتەیل، ک بەشیگیان هەس کەن ک ئاو زەل دەن، چوینکە ئەگەر لەیرا چەن کار سەوزیگ ئەنجام بیەن، لە شونەیلیگتر، مەلیۆنا تەکان ئۆکسید کاربۆن وەرەو ژینگە وەشیەێد.
ئمساڵ، وڵات سوید ئەرا میوانداری ئاهەنگ رووژ جەهانی ژینگە پەسەن کریا، ک هەر ساڵیگ ئاهەنگ رووژ جەهانی ژینگە لە وڵاتیگ وەڕیەو چوود، ک هەر دەوڵەتیگ وەگورەی رووژنامە وکەشوهەوای خوەی، رووژیگ ئەرا ژینگەی خوەی دیاری کردیە، باوجی ٥ حوزەیران جویر رووژیگە ئەرا گشتی، و لە هەرێم کوردستان، ١٦ی نیسان کریاسە رووژیگ ئەرا ژینگە ک تایبەتە وە هەرێم کوردستان.