شەفەق نیوز/ لەوەر فرەوەبوین شمارەی لەسێدارەدان لە ئیران نەتەوە یەکگرتگەیل دژ کۆمار ئیسلامی بڕیاریگ پەسن کرد، و رایگەیان رخ لەسێدارەدان ئەو کەسیلە هەس ک لە ناڕەزایەتیەیل دەسگیر کریانە.
لە دانیشتنی ئەنجومەن ماف مرۆڤ ریخریاگ نەتەوە یەکگرتگەیل بڕیاریگ لەبان پێشێلکاریەیل ئبران و فرەوەبوین شمارەی لەسێدارەدان وە 23 دەنگ بەڵی پەسەن کریا.
لە بڕ 47 وڵات ئەندام ئەنجومەنی ماف مرۆڤ 16 وڵات لەوانە چین و پاکستان و کوبا و ڤێتنام دژی بڕیارەگە وسیان.
ناسر کەنعانی، قسەکەر وەزارەت دەرەوەی ئیران لە کاردانەوەی ئەو بڕیارە رایگەیان؛ ئەو بڕیارە لە ژیر کاریگەری وڵاتەیل خوەرئاوا و ئەرا دژایەتی کۆمار ئیسلامی دریاگە ئەراوە قورسییگ نەیرێد.