شەفەق نیوز/ کاروەدەسەیل تاقم "ئەنسارولا" حوسیەیل، ئمڕوو پەنجشەممە، خەوەردان لە مردن 79 کەس و زەخمداری 110 کەس وەلای کەم لە رویداو دەڵەکداین لە وەخت بەشەوکردن دەسمیەتی دارایی لە پایتەخت یەمەن سەنعا.
وەرپرسیگ پزیشکی وە ئاژانسٓ فرانس پرێس" راگەیان، 79 کەس کوشیایە و 110 کەسیش زەخمدارە" دووپاتکرد وەرپرسەیل پزیشکیتر دووپاتکردن رویداوەگە لە ناوچەی باب یەمەن لە ناوڕاس سەنعا رویدایە.
ئاژانس خەوەری "سەبئە" سەر وە تاقم "ئەنسارئسلام" لە زوانی قسەکەر وەزارەت ناوخوەی لە حکومەت باوەڕوەپینەکریاگ وە لایەن ناودەوڵەتی عەمید عەبدولخاڵق عەجری راگەیان، " رویداوەگە فرە کارەساتبار وپڕ ژانە دەیان کەس بوینە قوربانی".
وتیش، رویداوەگە وە هووکار " دەڵەکداین هاوڵاتیەیل لەمەوقەی بەشەوکردن بڕە پویلیگ وە خۆرایی وەلایەن بازرگانەیل رویدایە".
لەلایگیش سەرۆک ئەنجومەن سیاسی باڵا " ئەنسارئسلام" مەهدی مەشات راگەیان" لیژنەیگ دروسکردیە لە ناوخوەی ئاسایش و هەواڵگێری و دادوەری و ئەرا لێکۆڵینەوە لە رویداو دەڵەکداینەگە.