باڵیۆز ئی قسەیلی لە وەختیگ وت کە ناوچەگە کەفتیەسە ئامادەباشی ئەرا پەلامارەیلیگ لەلایەن ئیران و هاوپەیمانەیلی، دویای کوشیان دوو ئەندام گەورە لە بزووتنەوەی حەماس و حزبولڵای لوبنان.
فلیک لە دیداریگ وەرد رووژنامەنویسەیل لە ئیستەنبوڵ دویای تەواوبوین ئەرکی لە تورکیا وت: داوا لە گشت هاوپەیمانەیلمان کەیمن ئەوانەگ پەیوەندی وەرد ئیران دیرن زوور وەملیان بارن ئی جەنگە کەمەو بکەن، و یە تورکیایش گرێدەو.
وتیش: قسە وەرد نوێنەرەیل تورکیا لەلای واشینگتۆن کردیمن کە ئەوەگ وەپییان کریەێد بکەن تا دڵنیا بوون کارەگە زیایەو نەوود.
لەلای خوەییش؛ قسەکەر وەزارەت دەیشت ئیران، ئمڕوو سێشەممە، وت: ئەو داوایلە وەلایەن فەرەنسا و ئەڵمانیا و بەریتانیا، یا ئەو گرووپە کە وە بالتوریکای ئەوروپا ناسیاس لە تەرهران وە خوەیگردن لەباوەت وەڵامدان ئیسرائیل بنەمای سەرەکی نەیرێد و دژوە بنەمای یاسای ناودەوڵەتیە.
ژاوەژاو لە خوەرهەڵات ناوڕاس زیایەو بویە دویای کوشتن ئیسماعیل هەنیە سەرۆک نویسینگەی سیاسی بزووتنەوەی حەماس لە تەهران، و فوئاد شوکور فەرماندەی سەربازی لە حزبولڵا لە بەیروت وەرجە هەفتەیگ.