شەفەق نیوز/ دیپلۆماتکار پۆلەندی وەرین، ڕۆبێرت بشتشيل، ئمڕوو سێشەممە، ئاشکرا کرد ک ئەو کراوە ک ئیمانۆیل ماکرۆن سەرۆک فەرەنسا پیشکەشی وە پاپای ڤاتیکان کردیە، هاتی لەلایەن نازیەیل ماوەی جەنگ جەهانی دویەم دزیایە.

بشتشيل لەبان تویتەر نویسان: وەگورەی قسەی ئاژانس "نۆڤۆستی" رووسی پوولەگە وە ئاشکرا نشان دەێد ک ئەو کتاوە ک سەرۆک فەرەنسا دادەی پاپا فرانسیس لە کتاوخانەیگ (ئەو سەردەمە) بویە لە زانکۆی پۆلەندی لە لیڤۆڤ.

لەلای خوەییش، سلافومێر دیمبسکی وەڕیەوبەر زانکۆی پۆڵەندی ئەرا پەیوەندییل ناودەوڵەتی وت: کارەگە روونکردن خوازێد.

وتیش: شایەت وەرجە جەنگ جەهانی دویەم کتاوەگە وەگەرد کتاو کتاوخانەیگتر ئاڵشت کریایە، وەگەرد ئەوەیش ئەڵمان کتاوخانە وئەرشیفەیل پۆڵەندا وەشیوەی فراوانیگ تاڵان کرد، ئەراوە هیمان یە فرەترین مەزەنەی سەرچەوەی ئەو کتاوەسە.

ئاژانس  "PAP" لە زوان قسەکەر وەزارەت دەرەوەی پۆڵەندا وت: وەزارەتەگە نووڕێدە باوەت ئەو دیاریە ک سەرۆک فەرەنسا وە پاپا فرانسیس پیشکەشی کردیە، باوجی هویچ قسەیگ لەی باوەتە نیەکەێد.