شەفەق نیوز/ پارت پاریزگەرەیل بەریتانیا، ليز تراس خانمە وەزیر دەرەوە، ئەرا سەرۆک وەزیرەیل پەسەن کردن، هەمیش جویر ریبەریگ ئەرا حزبەگە.
لە بنکەی شاژن ئێلیزابێت دویەم لە ویستمنتەر، ناو سەرکەفتگ لە سەرۆکایەتی حزب پاریزگەرەیل و سەرۆکایەتی وەزیرەیل راگەیانیا، تا تراس بوودە خانمە سەرۆک وەزیرەیل لەپشت بۆریس جۆنسۆن ک لە ژیر زوور واز لە پۆستەگەی هاورد، و بڕیگ لە باوەتەیل کەڵافەکریاگ ئەرای هیشتە جی.
تراس لە یەکەمین وتاری وت: ئەوەەسا رەفتار وەگەرد قەیران وزە کەیمن، و بەرنامەیگ ئەرا کەمکردن باجەیل پیشکەش کەیمن، و ئەوەسا پەیمانیەیلمان وەجی تیەریمن.
ماری ئێلیزابێت تراس، لە ٢٦ یۆلیۆی ١٩٧٥ لەداڵگبویە، و مناڵیی لە باکوور ئینگلتەرا گوزەران کردیە، و لە مەکتەویگ حکومەتی لە لیدز خوەنستیە، داڵگ وباوگی لایەنگر پارت کریکارەیلە و هەردوگیان لایەنگر چەپن، سیاسەت وئابووری وفەلفسە لە زانکۆی ئۆکسفۆرد تەواو کردیە.
لیز هەنای لەتەمەن چوار ساڵان بوی، خیزانەگەی ئەرا ئەسکوتلاندا بار کرد، و ئەرا مەکتەو سەرەتایی ویست چگ لە بیزلی، رینفروشایەر، ئیجا مەکتەو راوندهای لە لیدز.
لە تەمەن ١٨ ساڵان، سیاسەت و فەلسەفە وئابووری لە کولێژ میرتۆن، ئۆکسفۆرد خوەنست، هەنای سەرۆک پارت لیبراڵی دیموکراتی بوی لە زانکۆی ئۆکسفۆرد.
ئیجا سەنگەر ئاڵشت کرد، و کەفتە گەرد پارت پارێزگەرەیل لە ساڵ ١٩٩٦، ک لەو ساڵە لە زانکۆ دەرچگ و بویە وەڕیەوبەر بازرگانی لە کۆمپانیای "شیڵ"، ئیجا جویر وەڕیەوبەر پەیوەندی لە "کابڵ و وایرلێس" کار کرد.
لیز چیە ناو سیاسەت و کاندید خوەی لە پارت پارێزگەرەیل لە باشوور خوەرئاوای نۆرفۆلک کرد لە هەڵوژاردن ساڵ ٢٠١٠، و کورسییگ وەدەس هاورد، و هەر لەو مەوقە ئەو کورسیە دیرێد.
لیز لە چەن پۆستیگ کار کرد لەلیان: جینشین وەزارەت دەرەوەی پەرلەمان ئەرا چەودیریکردن مناڵ و هووکارەکردن، خانمە وەزیر دەوڵەت ئەرا ژینگە و خوەراک وباوەت ئاوایی، خانمە وەزیر داد، راۆیژکار لۆرد، ئیجا یەکەم سکرتێر گەنجینە، و خانمە وەزیر بازرگانی ناودەوڵەتی و خانمە سەرۆک ئەنجومەن بازرگانی.