شەفەق نیوز/ دادگایگ ئوردنی، ئمڕوو یەکشەممە، فەرمان لەبان ژنیگ فلیپین دەرکرد، ک کوورپەیگ کوشتیە تەمەنی لە دوو ساڵ ئەوبان نییە، دویای ئەشکەنجەدانی.
سایت "عەمون" ئوردنی وت: دادگا فەرمان زیندان هەتاهەتایی وەگەرد کار سەخت لەبان ژنیگ فلیپینی دەرکرد، دویای تاوانبارکردنی وە کوشتن و ئەشکەنجەدان قوربانیەگە.
دادگاگە لە فەرمانەگەی وت: کردەوەیل توومەتبارەگە شایستەی ئی فەرمانە لەلایەن دادگای گەورە تاوانەیل بوی.
وەگورەی سایتەگە، داڵگ ئەو دویەت کوورپە ک هەمیش فلیپینیە، لە ئاب ٢٠١٨ ئەو مناڵیە زایە، و وەفەرمی تووماری نەکریا.
لەوەر دویرکەفتن باوگ مناڵەگە و سەرقاڵی داڵگی وەکار نەوکەەری لە ماڵەیل، ئەو مناڵ قوربانیە خریا لای ژنە تاوانکارەگە تا مقەیەتیی بەکێد وە ١٢٠ دینار ئوردنی لە مانگیگ.
داڵگەگە وە تەلەفۆن یا سەردان دڵنیایی لەبان مناڵەگەی کردیاد، ک دویاترین جار مناڵەگەی دیە لە ئایار ٢٠٢٠ بویە، لەوەر پەتای کۆڕۆنا و خەریکبوینی لە کارەگەی.
ژنە توومەتبارەگە هەناێ ئەو مناڵە لەلای بویە، دەس وەحشیانە لەلەشی وەشانیە و وینەی گردیە.
لە ئەیلوول ٢٠٢٠ وە چشت قورسیگ داسە بان سەری، ک مناڵەگە لە هووش چگە، و هەناێ تەلەفۆن وە یەکیگ لە کەسوکارەیلی کردیە تا بڕەسێدە هانای مناڵەگە وبڕەسنێدەی خەسەخانە، لە مەوقە مناڵەگە گیانی لەدەسدایە.