شه‌فه‌ق نيوز/ فره‌نسا داوا له ئيران كرد حورمه‌ت له‌گشت پابه‌نديه‌يلى بگرێد وه‌گووره‌ى ئه‌و ريككه‌فتن ئه‌تۆمى و په‌يماننامه‌يله ك ئه‌نجامى داگه له‌وه‌ر ريگرى له بڵاوبوينه‌وه‌ى ئه‌تۆمى و وشدارييش دا له‌باره‌ى به‌رزه‌وكردن گرژێ.
له‌ى باوه‌ته‌و، ئۆليفيه جۆفين جيگر قسه‌كه‌ر وه‌ناو وه‌زاره‌ت خارجيه‌ى فره‌نسا له به‌ياننامه‌يگ وت: فره‌نسا وه چه‌و نيگه‌رانييه‌و ته‌ماشاى ئه‌و لێدوانه‌يله ئه‌كاو پابه‌نده وه زه‌مانه‌ت جيوه‌جيكردن ته‌واو ئه‌و ريككه‌فتن گرنگه ئه‌را نواگيرى له بڵاوبوينه‌وه‌ى ئه‌تۆمى.
جى باسه، جۆفين هه‌ميش وت: خواست ئه‌وه‌سه لايه‌نه‌يل ريككه‌فتنه‌گه دوير بگرن له هه‌ر كاريگ ك گرفت بخاده جيوه‌جيكردن پابه‌ندبوين وه‌و په‌يماننامه‌يله‌و بايه‌سه گرژى دويره‌و بخه‌ن.