شه‌فه‌ق نيوز/ شماره‌ى حاڵه‌ته‌يل مردن وه ڤايرۆس كۆرۆناى تازه له وڵاته‌يل يه‌كگرتگ له 5000 كه‌س كرده بان، ئه‌ويش وه گووره‌ى ئامار تازه‌يگ ك له‌لايه‌ن زانكۆى "جونز هوبكنز" بڵاو كريا.
وه‌گووره‌ى ئه‌و ئاماره، شماره‌ى ئه‌و كه‌سه‌يليشه زياێ كردگه ك تويش په‌تاگه هاتنه له وڵاته‌گه له وشكاننيگ ك ئه‌را نزيكه‌ى 215 هه‌زار كه‌س كرياگه.
جى باسه، وه‌گووره‌ى ئامار ناوه‌ند سه‌ر وه زانكۆى ناوبرياى ك تايبه‌تمه‌نده وه چه‌وديرى حاڵه‌ته‌يل تويشهاتن په‌تاگه، ئه‌وه ده‌رخست ك حاڵه‌ته‌يل مردن ره‌سيه‌سه 5116 كه‌س له جه‌م 215 هه‌زار و 417 كه‌س ك وشكانن ئه‌رايان كرياگه‌و تويش ڤايرۆسه‌گه هاتنه.