شه‌فه‌ق نيوز/ رووژنامه‌ى گارديان راپۆرتيگ رووژنامه‌نويس جايمى دوارد وه ناونيشان" ئاشكراى مليار ئسته‌رلينى ئه‌كه‌يم ك درياگه له دارايى باجده‌ره‌يل جوور قه‌رز وه ده‌وڵه‌ته‌يل تر ئه‌را سه‌ندن چه‌ك بريتانى".
داوارد وت: حكومه‌ت بريتانى وه ئارامى پلان ئه‌را جيگيركردن پيشنياريگ دانه‌ێد رێ وه‌پى بدريه‌ێد قه‌رز وه ده‌وڵه‌ته‌يل تر پيشكه‌ش بكا تا چه‌ك و بۆمب زيره‌ك و سيسته‌م چه‌وديرى له بريتانيا بسينن، يه‌يش له گاميگ ك بويه جى ره‌خنگرتن له حكومه‌ت له‌لايه‌ن چالاكوانه‌يل و لايه‌نگره‌يل مافه‌يل ئاده‌ميزاد.
ئه‌و رووژنامه‌نويسه له راپۆرته‌گه‌ى نويساگه: چه‌ك بريتانى وه بڕ نزيكه‌ى 5،3 مليار ئسته‌رلينى كه‌فته‌سه رێ وه‌ره‌و شانشين عه‌ره‌بى سعودى له سه‌ره‌تاى جه‌نگ له يه‌مه‌ن و نيگه‌رانييش هه‌س له‌وه‌گ هاوپه‌يمان سعودى ك جه‌نگ وه‌ل حوسيه‌يل ئه‌كا له‌وار سه‌رپيچى له مافه‌يل ئاده‌ميزاد كردگه له‌ڕێ وه ئامانجگرتن ژيرخان ئابوورى مه‌ده‌نى.