قسەکەر سوپا، ئەڤیچای ئەدرایی وت: لەناو ئەو ئامانجەیلە "تونێل ژیرزەمینیی سەر وە حەماس، و شوینەیل سەربازی و ماڵ وەرپرسەیل کە کردنەسەی بارەگای سەربازی و ئەمار چەک و ژوور پەیوەندیکردن".
ئەڤیچای ئەدرای لەبان ئەکاونت خوەی لە پلاتفۆرم "X" راگەیان کە یجگە لەوەیش "چالاکوانەیل ریخریایە تیرۆریستییەیل لەناو دریانە "،.
ئەدرەعی وتیش: “سێ چالاکوان حەماسیش وە گولەی هاوەن کریانە ئامانج، کە لەناو بارەگایگ سەربازی لە ناو شار غەززە بوینە”.
هەمیشە وت: "لە مەوقەی ئۆپراسیۆنەگە دەیان فڕۆکەی جەنگی پەلامار شمارەی فرەیگ لە ئامانجە سەربازییەیل بزووتنەوەی حەماس لە کەرت غەززە دان، لەناویان 12 باڵەخانە کە لە ناوەیان پیکاتەیلیگ سەربازیی حەماس بویە. بینایل وە هەماهەنگییگ تەواو لە ناوەین فڕۆکە جەنگییەیل لە پەلامار دریان".
جی باسە کە وەرجەیە سوپای ئیسرائیل داوا لە دانیشتگەیل شار غەززە کردوێد کە ماڵەیلیان چووڵ بکەن و وەرەو باشوور بچن، و وت: "وەردەوامی ئۆپەراسیۆنەیل وە شیوەیگ گەورە لە شارەگە بوود."