زەویلەرزەی نوویگ کەهرمان مەرەش هاوردە لەرزە

شەفەق نیوز/ دەسەی ئیدارەی کارەساتەیل سروشتی تورکیا "ئافاد" ، ئمڕوو سێشەممە راگەیان زەویلەرزەیگ وە توونی 4.7 پلە کەهرەمان مەرەش هاوردیەسە لەرزە.

دەسەگە ئمڕوو لە بەیاننامەیگ راگەیان، " زەویلەرزەیگ وە تونی 4.7 پلە ناوچەی گۆکسۆن لە کەهرەمان مەرەش رویدایە".

تا ئیسە دامەزراوەیل فەرمی تورکیا هیچ زەرد گیانی یان ماددی لەرزەگە ئاشکەرا نەکردنە.