کازمی وتیش؛  ئەو پیلانە مەوقەی "ئاژاوەکاریەیل ئی دویاییە" بویە ک لە ئیران سەرهەڵدا دویای مردن ئەو دویەت گەنج کوردە، مەهسا ئەمینی، ک ئاژانس تەسنیم ئیرانی لە زوان کازمی وت: دەزگایل هەواڵگری ٢٠ دەوڵەت دەسیان لەناو ئەو ئاژاوەکاریە بویە ک لە ساڵ ٢٠٢٢ەو لە ئیران بوی.

کازم ئاشکرا کرد، ئەمریکا، بەریتانیا، ئیمارات، سعودیە، فەرەنسا، ئەڵمانیا، کەنەدا، بەلجیکا، نەمسا، ئەلبانیا، ئوسترالیا، ئایسلەندا، ئیتاڵیا، کۆسۆڤۆ، نەرویج، بەحرەین، نیوزلەندا و ئیسرائیل لەو وڵاتەیلەن ک لێکۆڵینەوەیان رەسیەسە ئاشکراکردن بەشداریکردنیان.

کازمی باس جموجویل گوماناویەیل دیپلۆماتکارەیل باڵیۆزخانەی فەرەنسا لە تەهران لەو ماوە کرد، ئەرا گردەوکردن زانیاری مەیدانی لەباوەت ئاژاوەکاریەیل و رەوش هیزەیل ئەمنی و پولیس، هەرلیوا  زانیاری وەگەرد ئەفسەریگ هەواڵگری لە باڵیۆزخانەی وڵاتیگ ئەوروپی هاوردنە و بردنە،  هەمیش باس تەقەلای ئیسرائیل کرد وەسنگ دروسکردن سندوق ئەرا دەسمیەتیداین مانگگرەیل  و خوەینشاندەرەیل وە سەرپەرشتیاریی و بودجەی ئەمریکا و وڵاتەیلیگتر.

کازمی وتیش: باڵیۆز 28 وڵات ئەوروپی لە یەکیگ لە باڵیۆزخانەیل وڵاتەیل ئەوروپا لە ماوەی ساڵ 2022 گردەوبوینە ئەرا پەسەنکردن پێشنیاریگ ئەرا چڕین باڵیۆز وڵاتەیل ئەندام یەکێتی ئەوروپا و بەسانن باڵیۆزخانەیل ئەوروپا لە ئەڵمانیا.