شەفەق نیوز/ دادوەری ئیران، ئمڕوو سێشەممە، راگەیان کە تا ئیسە وڵاتەگە هویچ کەسیگ دەسگیر نەکردیە لە چوارچیوەی لێکۆڵینەوە لە کوشتن ئیسماعیل هەنیە سەرۆک نویسینگەی سیاسی بزووتنەوەی حەماس لە تەرهران، لە هەفتەی گوزەشتە، لە کردەوەیگ کە بوختی وە ئیسرائیل کریا.
رووژ شەممەی گوزەشتە، رووژنامەی نیویۆرک تایمز وت: ئیران زیاتر لە ٢٠ کەس دەسگیر کرد، ئەفسەرەیل گەورە هاناویان، لە پشت رویداو کوشتن هەنیە.
یەسە کە ئیسەیش ئەسغەر جیهانگیر قسەکەر دەسەڵات دادوەری ئیران ئویشێد: دەسکریا وە لێکۆڵینەوە، و دویای تەواوبوینی ئەنجامەیلی ئاشکرا کریەێد.
وتیش: تا ئیسە کەسیگ لەبان ئی کارە دەسگیر نەکریاس، وتیش؛ لێکۆڵینەوە وەرپرسەیلیگ سەربازی ئیرانی گرێدەو.
لەباوت خەوەر رووژنامە ئەمریکیەگە، جەهانگیر وت: ئی خەوەرە درووە.
وتیش: بیگومان کوشتن هەنیە وەڵامیگ ئازایانە لەلایەن تەهران لە پشتی هەس.
هەنیە رووژ ٣١ تەمووز وە گولەیگ نزیک مەودا کوشیا، کە ئەرا شوین خەفتنی لە باکوور تەهران وەشیا، وەگورەی قسەی سوپای پاسداران ئیران.
ئیران و حەماس توومەتبار ئیسرائیل کردن، و هەڕەشەی وەڵامدانی دان، و ئیسرائیل هویچیگ لەبان ئەو کوشتنە نەوتیە.