لە  رسوومەیلیگ کە لە تەلەفزیۆن دەوڵەتی پەخشکریا، وەڕێوەبەر نویسینگەی ریبەر باڵای ئینقلاب ئیسلامی “دەق حوکمی خامنەیی لەباوەت بە جیوەجیکردن سەرۆکایەتی کۆمار ئەرا مەسعوود پزیشکیان” خوەنستەو.

لەلای خوەییش پزیشکیان لە رسوومەیل دەسەوکاربوینی سوپاس لە خامنەئی و گەل ئیران 

 کرد ئەرا ئەو متمانە کە وەپی دانە، پەیمان دا "بارگرانی سەنگین" خوازیاگ وە پۆستە نووەگەی هەڵبگرێد.

پزیشکیان یەکەم کەس سەر وە بزووتنەوەی چاکسازی خواز کە لە دویای کۆتایی سەردەم محەمەد خاتەمی لە ساڵ 2005ەو سەرۆکایەتی کۆمار لە ئیران وەرگردگە و باس ئەوە کرد کە قسەی کۆتایی لە سیاسەتە باڵایل دەوڵەت لە دەس ریبەر باڵا مینێدەو، پۆستیگ کە خامنەیی نزیکەی ٣٥ ساڵە هاوە دەسیەو.

پزیشکیان نۆهەمین سەرۆک کۆمارە لەدویای 

دویای سەرکەفتن شووڕشی ئیسلامی لە ساڵ ١٩٧٩، رسوومەیل دەسەوکاربوینی لە حسێنیەی ئیمام خومەینی لە تەهران وە ئامادەبوین کاروەدەسەیل ئیرانی و دیپلۆماتکارەیل بیانی وەڕیەو چگ، و ئەو رسوومەیل دەستووری قەسەم یاسایی لەوەردەم ئەنجومەن شورا (پەرلەمان) رووژ سێشەممە وەرجە دروسکردن حکومەتەگەی و دیاریکردن ناوی وەزیرەیلی تیەێد.

پزیشکیان دویای ئەو لە خول دویەم هەڵوژاردن سەرۆکایەتی کۆمار ئیران کە لە ٥ تەمموز وەڕیەو چگ، لە سەعید جەلیلی کویەنەپەرس تونڕەوی بردەو، خولی چوار ساڵە دەسوەپی کەێد.

 بڕیار بوی هەڵوژاردن لە ساڵ ٢٠٢٥ وەڕیەو بچوود، بەڵام لە سەرەتای ئەمساڵ دوای مردن ئیبراهیم رەئیسی لە مانگ ئایار لە وەخوارکەفتن هەلیکۆپتەریگ لە باکوور خوەرئاوای ئیران هەڵوژلردن هاتە وەرەو.

 پزیشکیان (69 ساڵ) زیاتر لە 16 ملیۆن دەنگ هاورد، کە رەسێدە نزیکەی 54% بڕ دەنگدەرەیل، کە نزیکەی سی ملیۆن دەنگە.

 ریژەی بەشداری لە خول دویەم ٤٩.٨ لەسەد بویە و لە خول یەکەم  نزیکەی ٤٠ لەسەد بوی، کە کەمترین ریژەس لە میژوو هەڵوژاردنەیل سەرۆک کۆمار ئیران.

پزیشکیان تاکە چاکسازیخواز بوی کە لە لایەن ئەنجوومەن مقیەتیکردن دەستوور ماف خوەیکاندیدکردن لە هەڵوژاردن سەرۆکایەت وەپی دریا، و وەگەرۆ پەنج کەس سەر وە بزووتنەوەی کوینەپەرس کێبڕکێی کرد، دیارترینیان جەلیلی و سەرۆک ئەنجومەن شورا محەمەد باقر قالیباف بوی.

 سەرۆک کۆمار لە ئیران دەسەڵات رەها نەیرێد، بەڵکم سەرۆکایەتی ئەنجومەن باڵای ئاسایش نەتەوەیی و دەسەڵاتیگ جیوەجیکردن (هویچ پۆستیگ سەرۆک وەزیرەیل لە وڵاتەگە نییە) کە یەکیگە لەو سێ دەسەڵاتە بیجگە لە دەسەڵات یاسادانان و دادوەری.  ئەرکیگ سەرەکی دیرێد لە رویکردن حکومەت و سیاسەتە دەرەکی و ناوخۆییەیل.

 بەڵام سەرۆک دەوڵەت و ئەو کەسەگ لە سیاسەتەیل باڵا قسەی کۆتایی دیرێد، ڕیبەر باڵاس.