شەفەق نیوز/ میدیایل راگەیانن میسری، ئمڕوو سێشەممە، خەوەردان کە باوگیگ لە پارێزگای قلیوبیە، چوار کوڕ خوەی کوشتیە.
میدیایل وتن: دەزگایل ئەمنی لە پارێزگای قلیوبیە ئاگاداری وەپییان رەسیە کە تەرم چوار کەس کوشیاگ لە ئاوای حەلابە پەیا کریاس، و هیزەیل ئەمنی رەسینە شوین رویداوەگە، و دەرکەفت کە لاشەی چوار برا کوشیاگە، بویچگترینیان مناڵە لەتەمەن ٥ ساڵان، و گەورەگە لە تەمەن ٢١ ساڵان.
خەڵک ناوچەگە وتن: باوگەگە بیماری دروینی دیرێد، دویای ئەوە کە ژنەگەی وڵی کرد و ماڵ هیشتە جی، و هاتێ لەوەر ئەوە ئی کوشتارە کردگە، و هیزەیل ئەمنی باوگە دەسگیر کردن، و ئاشکرای تاوان خوەی کرد.