شەفەق نیوز/ پیاویگ خاوەن کاروبار میسری، ئمڕوو پەنجشەممە، ژنەگەی خوەی کوشت، و وەشیوەیگ ناشرین وسەخت تەرمەگەی لەناودا، چوینکە زگی وەدویەتیگ بویە، وەگوەری راپۆرتەیل راگەیانن میسری.     

سایت "سەدا ئەلبەلەد" میسری لە راپۆرتیگ ئاژانس شەفەق نووڕیەی وت: بازرگانیگ میسری ژنەگەی خوەی کوشت، ئیجا تەرمەگەی لە ناوچەیگ بیاوانی لە شار ٦ ئوکتۆبەر لە پارێزگای جیزە سزان، تا گوما بوود، ودویای ئەوە دەسەڵاتەیل تایبەت وە تاوان ئاشکرای کردن ودەسگیر کریا. 

وەگورەی ڕاپۆرتەکە، وەڕێەوبەرایەتی ئەمن جیزە ئاگاداری لە بەش پۆلیس ئوکتۆبەر لەیەکیگ لە بنەماڵەیل وەرگرد ک دویەتەیان وەناکاو شوینی نەما، وگومان لە شویەگەی دیرن، وئەو مەوقە ئەمن جیزە کەفتە جویلە و مینەکردن، ک باوان ژنەگە وتن شویەگەی داوای کوڕ لەلی کردیە، وهەنای زانستیە ژنەگەی زگی وە دویەت پڕە تویڕە بویە.  

دەسڵاتەیل ئەمنی پلانیگ ئەرا هاوردن شویەگەی دانا، ودویای لێکۆڵینەوە، زانستن ک ناکۆکی لەناوبەینیان بویە، و ژنەگەی زگی وە دویەت بویە.  

یەکەم جار شویەگە وت: ژنەگەی لەماڵ دەرچگە و گلەو نەخواردیە، ونیەزانێد ئەرا کوو چیە، وهەنای زوور لەبانی هاوردن، شویەگە ئاشکرای کوشتن ژنەگەی کردیە، وتیە: مرافەیگ کەفتیەسە ناوبەینیان ودەس لەلی وەشانیە، و کەفتیەسە زەوی ومردیە.   

توومەتبارەگە وتیش: هەنای وەناکاو مردیە، بڕیار دایە تەرمەگەی گوما بکەێد، و خستیەسەی شوین بیاوانی دویریگ، و تا کەسیگ نەناسێدەی، بەنزین رشانیەسە بان تەرمەگە وئاگری دایە.

توومەتبارەگە شوین تەرمەگە بەڵەی دا، ودەزگا ئەمنیەیلە پەیای کردن، و توومەتەگە لەبان شویەگە چەسپیا.