لە بەیاننامەیگ وت: ئاگاداری ئەرا دەسەڵاتەیل میسری رەسیە کە گەنجیگ داڵگ و خوەشک و برای بویچگ خوەی وە چەقوو سەریان بڕیە، ئیجا ئاگریان داس.
خەڵک ئاوای روستە بوو گەنیگ لەناو ماڵیگ کردن، کە لە رووژ پەنجشەممەی گوزەشتەو کەسەیل ئی ماڵە دیاریان نییە، ئەراوە ئاگادار دەسەڵاتەیل کردن.
پولیس چگە ناو ماڵەگە، و ٣ لاشەی کوشیاگ پەیا کرد، هن دوو ژن و کوڕیگ، کە یەکیگیان هن داڵگ توومەتبار بویە، لەناو تەمەن شەس ساڵە، و یەکیگیش هن خوەشک توومەتبار بویە لەناو تەمەن سی ساڵان، و ئەو لاشەگە هن برای توومەتبار بویە.
دەرکەفت کە بکوشەگە برا گەورەگەس وەناو محمد لە تەمەن ٢٩ ساڵان.
کەسەیلیگ لە ئاوایەگە وتن: تەرم قوربانیەیل وەبی سەر یوینە و کوتکوت کریانە، و سزیانە، و دیاری کرد کە توومەتبارەگە رەفتاری خاس بویە وەرد هاوسا.
وتنیش؛ کوتە گووشت لە قوربانیەیل لەناو یەخچاڵ ماڵەگە بویە، و لەلی داسە دەرخوەرد سەکەیل.