شه‌فه‌ق نيوز/ وڵاته‌يل يه‌كگرتگ ئه‌ميكا 453 حاڵه‌ت مردن وه ڤايرۆس كۆرۆناى تازه له ماوه‌ى 24 سه‌عات گوزه‌يشت تۆمار كرد، يه‌يش شماره‌يگ تازه‌ى قياسيه، جوور ئه‌وه گ زانكۆى هۆبكنز ئاشكراى كرد.
شماره‌ى گشتى حاڵه‌ته‌يل مردن له وڵاته‌يل يه‌كگرتگ له‌وه‌ختيگه‌و ڤايرۆسه‌گه له‌تى ده‌ركه‌فتگه ره‌سيه 1891 حاڵه‌ت، وه‌ل ئه‌وه‌يشا شماره‌ى تويشهاتن وه ڤايرۆسه‌گه ره‌سيه‌سه 115548 كه‌س، يه‌يش ماناى ئه‌وه‌سه 21309 حاڵه‌ت تازه بويه له رووژيگ.
جى باسه، يه‌يش له‌وه‌ختيگه دۆناڵد تره‌مپ باس له‌وه كرد هوير له‌وه ئه‌كه‌ن ولايه‌ت نيويۆرك ناوه‌ند ڤايرۆسه‌گه له وڵاته‌گه دابخه‌ن دوياى ئه‌وه‌گ 50 هه‌زار حاڵه‌ت تويشهاتن وه‌و ڤايرۆسه له‌تى تۆمار كريا.