شەفەق نیوز/ وەرێوەبەرایەتی ئاسەواری و میرات لە شار هەولێر پایتەخت هەرێم کوردستان، ئمڕوو یەکشەممە، ئەنجام ئەو هەڵکەنین ئاسەواریە ئاشکرا کرد کە لە شوێنیگ ئاسەواری ناو پارێزگاگە لە ماوەی ساڵ ئیسەی ٢٠٢٤ ئەنجام دریاس.
وەڕێوەبەر ئاسەواری هەولێر، نادر بابەکەر، لە کۆنگرەیگ رووژنامەوانیر وە ئامادەبوین پەیامنێر ئاژانس شەفەق نیوز، راگەیان کە “14 تیم بیانی تایبەتمەن لە هەڵکەنین شوینەوار لە پارێزگای هەولێر کار کەن وەمینەی ئاسەواری ئەرا دیاریکردن شیواز ژیان لە سەردەم کویەن لە لایەنە ئابووری و کولتووری و کۆمەڵایەتییەیل”.
وتیش: "لە هەڵکەنین دەرکەفتگە کە چوار هەزار و ٥٠٠ ساڵ وەرجە ئیسە لە دەشت هەولێر لە ژیانی ئاوایی بویەسە شارنشینی، و یەیش نشانەس ئەرا کوینەیی شارستانییەت لە هەرێم کوردستان".
هەمیش و: "تیمی بیانی کە لە ساڵ ٢٠٢٢ەو لە شوین (موترەب) لە ناحیەی شەماماکی سەر وە پارێزگای هەولێر کار کەن، ئەو ئاسەواریە ئاشکرا کردن کە دویای هەڵکەنین لە ماوەی ساڵ ٢٠٢٤ پەیا کریانە".