شیویا
سەر لە لێ
ئاسمان
لێرە
وڵاتیک
زەنیوق هەڵاورد
لە دەنگ هەور سیە
شەوار دڕیژە
دەس هەڵگر
لە چێین
ساتێ دانیشە
لە دەرانەی ماڵه
بشکەم
زیوخاو واران بوسێتەوه
با لە شوونت
وه جی نەمینێ
ئەسر چاوانم
مێهری_حوسەینی
کوانێ کوانێ ئاگر
داره‌یل، وه‌ڵنگه‌یل ڕزیاگێیان
له م توان
چه‌مه‌یل وشک‌بـۊ ئاوێیان!
و دنیا جی كوڵه‌سۊكێ
ئه‌ڕا سه‌ره‌ونان و مردن
و من هێمان
له داڵان سه‌رد سینێ
كوومڕ كیشــم
و باركووڵه‌ێ سووماره‌ێ خوه‌م
له سووز ئێڵاخه‌یل سه‌رد
تا سام ژێربه‌نه‌یل ده‌رد
وه كووڵ كیشم
و هه‌ر ڕووژ وه‌ل خوه‌ره‌زه‌ردا
تا وه ده‌یشت به‌ره‌هووت سزیاێ مردن
چم و تیه‌مه‌و
و هه‌ر شه‌وار وه یاد ت
له به‌رزترین قوله‌ێ وڵات
كوانێ كوانێ
ئاگر كه‌مه‌و !
سەعید عبادەتیان (بانان)