شەفەق نیوز/ عراق و ئوردن دوو وڵات جیاوازن لە پێکهاتەیلیان، و لە ئاستەیل جیاواز رێککەفتن ستراتیژی لە مژارەیل وزە ( نەفت-کارەبا) و ئابووری وەگەرد رێککەفتنەیل تر.        

 بالیۆز عراق لە ئوردن، حەیدر عەزاری، ئەرا ئاژانس شەفەق نیوز دووپاتکرد، ک " کردنەوەی رێ وازیگ‌، دۊیای ساڵ و نیمگ زیاتر لە بەسیانی وە هووکار پەتای کۆرۆنا و دۊیای  خاستربۊین و وازکردن گشت بەشەیل،  و لەبان داواکاریەیل کۆمەڵگەی عراق ک خوازن ئەو ریەیل کاروباریان وەگەرد  داواکاری  رانندەیل ماشینە  گەشتیاریلە، و پەیوەنی وەگەرد لایەن دیارخریایگ لە ئوردونی و بڕیار وازکردن دەروازەی  (ترێبیل-کەرەما) ئەرا ری داین وە گەشت کردن عراقیەیلە  وە ماشینەیل تایبەت خوەیان.       

 عەزاوی ئەرا ئاژانس شەفەق نیوز باسکرد، ک " "ڕەزامەنی وەدەس هاوریایە تا ری وە رانندەی ماشینەیل گەشت بیریەێد لە ری بەغداد عمان کار بکەن، یەیش ری دەێد   گەشت کردن عراقیەیلە و دەرفەت کارکردن دروس کەێد  ئەرا رانندە، دۊیای پەککەفتنی زیاتر لە ساڵیگ.         

لەباوەت هەناردەی نەفت عراقی ئەرا ئوردن عەزاوی وت: لە رێکەفتننامەی مابەێن عراق و ئوردن ئیمزا کریایە لە بڕوار  4/9/2019 ئەرا کلکردن نەفت عراقی ئەرا ئۆردن وە بڕ  دە هەزار بەرمیل رووژانە، لە ری جادەیلە، رێککەفتن دۊیەم لە مابەێن هەردگ حکومەت عراقی و ئوردنی  پەسەن کریا لە بڕوار 9 / 9 / 2021.    

 وەزیر وزەی ئوردنی، ساڵح خەرابشە، خەوەردا لە هاوردەکردن ئۆردن لە  نەفت عراقی لەماوەی 9ئەیلوول 2021 تا 26 تەشرین دۊیەم ئیسە رەسیە نزیکەی 840 هەزار بەرمیل، وە ڕێژەی 9700 بەرمیل رووژانە، یە ڕەنگدانەوەی گەشەسەنن و خوەشگوزەرانی پەیوەندیەیل عراق و ئوردنە لە گشت ئاستەیلە.       

 لەباوەت پرۆژەی پەیوەنی کارەبایی، دیبلۆماسە عراقیەگە دیار کرد، " یەکیگ لە بەرهەم  سێانیەیل ک گرێبەسەگەی لە مانگ ئاب ساڵ 2020 ئەنجام دریایە، و لوتکەی بەغدا سێیانی لە مانگ حوزەیران گوزەشتە گرێبەسەگەی کریا، یە جیوەجی کردن پروژەی ستراتیژیەیگە، وەگەرد پرۆژەی پەیوەنی کارەبایی مابەێن عراق و ئۆردن، دۊیای یەکتردوینین و کۆبونەوەی  بەغدا و عەمان لە مابەین وەرپرسەیل وەزارەت کارەبا عراقی و وزارەت وزە و گەوهەر کانزایی ئۆردنی،  لە مابەێن هەردگ وڵاتەگە رێککەفتن ئیمزا کریا لە هەرێم خوەرئاوای ئوردن عراق کارەبا دابین کریەێد  و پیشبینی کریەێد لە ناوراس کۆتایی ساڵ ئایندە کار لەبان پرۆژەگە بکرێد"         

وتیش؛ ئیدارەی سیاسی سەرۆکایەتی هەردگ وڵات و خواستن راسییگ ئەرا تەواوکاری لایەنەیل عراقی ئوردنی،  و عراقی و ئوردنی مسری لە لایەنیگتر، کارەگە وە جۊر راستەقینەیگ لە جیوەجیکردن پرۆژەیل ستراتیژی تەواوکاریگ چوودەو ئەرا سوودەیل لەبان سێ نەتەوە براگە.

وتیش: "پڕۆژەیتر هەسە ک لە مابەێن هەردگ وڵات براییل ئەنجام دریایە کە بریتین لە لۊلەی  نەفت بەسرە - ئەقەبا و دروسکردن ناوچەی پیشەسازی لە  سنوور نوان عراق و ئوردن"         وتیش: "نەخش باڵوێزخانەی عراق لە عەممان ئەڵگەریان ڕێنمایەیل مستەفا کازمی سەرۆک وەزیران لە پەرەوەپیدان پەیوەنی دووقۆڵیەگان مابەێن  هەردگ وڵاتە براگە لە ساڵ 1921 مێژووی سەد ساڵەیان لە دامەزرانن دەوڵەت ئوردون.       

 عیماد دلێمی قایمقام ناحیەی روتبە لە خوەرئاوای پارێزگای ئەنبار عراق لە سنوور وەگەرد ئوردن وت: ئەو پڕۆژە ستراتیژیەیلە لەمابەێن هەردگ ولات ریککەفتنە دەس کەنە  هەڵچنیین بەرهەمەیلیان، باوجی وە جۊر یەواشیگ  ئەو چشتە نەۊییە ک ئیمە خوازیمنەی، چۊنکە رێککەفتنه‌یل  ستراتیژی وەخت فرەیگ توان.       

 دلێمی، لەماوەی گفتوگو وەگەرد ئاژانس شەفەق نیوز دیاریکرد، رێککەفتن لە ئالوگۆر بارزگانی مابەێن عراق و ئۆردن پەیوەنی دێرید وەگەرد ئارامگردن بار ئەمنی و وەگورەی رێسا یاساییەگان مابەێن وڵاتەیل.          

دلێمی دووپاتکرد،  ک " ریککەفتن لەبان هاوردەی نەفت عراقی ئەرا ئۆردن، وە خاسی وەرێوەچوود، وە ماشینەیل عراقی و ئۆردنی، دۊیای  ریگری لە چگن ماشینەیل عراقی ئەرا ئۆردن کریا، ری وە ماشینەیل ئۆردنی دریا بچنە پاڵاوگەی بێجی، هیوای ئەوە خوازیمن بارکردنەگە ئێجارە لە ویستگەی بارکردنەگە بکرێد.       

 وتیش؛ "لەباوەت رێککەفتن پەیوەنی کارەبا، ئیسە دەسکریاسە  کار خوەنیین و رێکخستن نه‌خشه‌ و  پلان و خاڵ GBS، ئەرا هێل کارەبا مابەێن ویستگەی ریشە لە ئۆردن، رەسیە وە رتبە و دۊیاجار قەزای قائم تا وێستگەی عکاز، یە تەواو رێککەفتنەگەی مابەێن دو وڵاتەگە ناکەێد، ئومێدواریمن  لەماوەی مانگ 10 ساڵ ئایندە ساڵ 2022 کارەگە تەواوبکرێد و کارەبای نیشتمانی وەربگرین ئەرا یەکەم جار  لەماوەی ئی شەش ساڵە".       

 دلێمی وتیش: "یەکیگ لە گرنگترین  پرۆژەیلە ک لە مابەێن هەردوگ وڵات جیوەجی کرێد، بەشداری لە قورتارکردن شار روتبە کەێد و کاریگەری ئەرێنی گەپێگ لەبان گشت وڵاتەیل دێرید، رەسانن کارەبا  ئەرا هەرێم  پیشەسازی لە شار تریبی، دۊیاجار بوودە ویستگەی کلکردن هێل کارەبا.         

وتیش؛ "ناوچەی پیشەسازی ترێبیل یەکیگە لە ناوچە پیشەسازیە ئازادەیل وە خزمەت وە عراق و ئوردن و وڵاتەیل تر كه‌ید  ک گرنگی وە ئەو مژارە دەن و دەستکەفتەیلی ڕەنگدەێد  لەبان بارودۆخ ئابووری و بازرگانی ئەنبار و گشت عراق دیرێد".       

وە لایگتر، زیاد عەرار، تۊیژەر سیاسی عراق ئۊیشێد: "ئەو ڕێککەفتننامەی عراق وەگەرد ئوردن و میسر و سعودیە و ئەوانەگتر  پیشبینی کەێد ک وەگەرد وڵاتەیلتر بوون و سوریاش یەکیگە لەوانە لە خوازین وەپەلەی عراق هاتییە ئەرا ئەو وڵاتەیلە، ک بۆشایی هەناسدان ڕوون و ئاشکەرا دێرن وە ئاراستەی دەریا ".          

 عەرار  وە ئاژانس شەفەق وت: " خوازین  ئەو وڵاتەیلە ئەرا عراق، چۊنکە ئەوان توانا دیرێن و کۆمپانیاگانیان وە دۊیای بازاڕ گەپیگ جۊر عراق گەردن، ئەرا ئەوەگ وەربەرهەم هاتگەیلیان  وەرێوە بووەن و کار ئەرا کۆمپانیایلیان بکەن"       

 وتیش؛ لێرە قازانج گەپیگە ئەرا عراق و ئێ وڵاتەیلە ناویان هاوریا، گشت رێککەفتنەیلە مابەین ئێ دەوروبەرە کریایە سوود ئابووری ئەرا عراق و ئێ وڵاتەیلە دیرێد.         

عەرار وتیش؛ "قسەکردن لەبان  ئابووری، لە دیدیگ نوو لە کاروبار سیاسی واز کەێد، چۊنکە ئابووری فاکتەر سەرەکی عراق سیاسیە، تەنانەت ئەمنی، مەوقەی  ئابووری خاسەو بوود و وڵات جیگیرە و بیکاریش کەمەو بوود، یە رەنگدانەوەی ئەرێنی کەێد وە رووی ئەو ئاستەیلە".