شەفەق نیوز/ ئاژانس شەفەق نیوز و تووڕ "بی بی سی نیوز عەرەبی" بەریتانی دێرین، رێککەفتن هاوبەش واژوو کردن، ک یەکەمە لەی شیوە ئەرا دامەزراویگ راگەیانن- رووژنامەوانی لە عراق.

تووڕ بەریتانی پایەدار "BBC"، ئاژانس شەفەق نیوز لەناو ئەو میدیایل راگەیانن و رووژنامەوانی  لە گشت عراق پەسەن کرد ئەرا تەواوکردن هاوبەشیەگە، ک پاڵپشتی وەنواکەفتن ئاژانسەگە کەێد ک بویە سەرچەوەیگ سەرەکی ئەرا میدیایل راگەیانن ناوخوەیی و عەرەبی و ناودەوڵەتی.

وەگورەی رێککەفتنەگە، ئاژانس شەفەق نیوز لەبان سایت ئەلیکترۆنیی، باوەتیگ دەق ودەنگ لەلاین "بی بی سی نیوز عەرەبی" بەریتانی  ئەرا جویراجویر باوەتەێل بڵاو کەێد، ک ئاژانس شەفەق نیوز ری دێدە تووڕە بەریتانیەگە بڕەسێدە ناوی، وەگەرد مسۆگەرکردن ماف خاوەنداری هویری ناوبەین هەردوگ میدیاگە.