شه‌فه‌ق نیوز/ ده سال 1971 زایه‌نی، ده ئیجووره رووژه‌یلێ، یه‌کێ له دڵته‌زنترین کاره‌ساته‌یل دژبه‌شه‌ری، ده عراق، ئه‌ڔا کورده‌یل فه‌یلی که‌فت.
ده ئیچوونه رووژێ هه‌شت هزار له عراق وه ئێران ساوق کریان ک فره‌ترێیان کورد فه‌یلی بین.
ده‌وڵه‌ت به‌عس، یه‌ک هه‌فته وه‌ر ژه ئه‌وه، کوتوپڕ وت هه‌ر که‌س ناسنامه‌ی عوسمانی نه‌دیرێ یا ئقامه‌ت عراق دیرێ، بایه‌د له عراق بچوو رێ.
ده ئی به‌یانیه، هه‌ڕه‌شه کریاگه ک ئه‌ر نه‌چنه رێ، ده‌وڵه‌ت عراق، هیچ جوورێ زمانه‌ت ماڵ و مین و گیان ئه‌وانه‌ی ک نه‌چن، نه‌دکه‌ێ.
ده‌وڵه‌ت شاهی ئێران، هه‌رچه‌ن له سنوور خوسره‌وی و قه‌سر شیرین، رێ دا وه‌لێ وه ئی ته‌سفیرییه‌یله، وه خاتر یه ک جه‌ژن تاجگزاری دو هزار و پانسه‌د ساڵه‌ی شاهانشاهی ده (ته‌خت جه‌مشێر) نابۊ، له زیه‌ڵگی یه ک نه‌وا یانه جاسووس ده نامێ‌یان ببێ، فره گرته‌یان وه‌ر چاو ساواک ک ئستخبارات شاهانشاهی بی و ئه‌وقه‌ره‌یش پێشوازی له‌یان نه‌کرد.
کورده‌یل فه‌یلی له ده‌هه‌ی په‌نجای زایه‌نی ده چه‌ن چین له عراق کریانه ده‌ر و ماڵ و مینێیان وه تاڵان چگ.