شه‌فه‌ق نیوز- یه‌کێ له رێیه‌لێ ک دبێ وه بان ئه‌وه ده‌وڵه‌مه‌نی هه‌ر خه‌ڵک و وڵاتێ ده‌رهاورده ده‌ر، یه‌سه ک ناوجای ده‌رئامه‌یه‌یل ئه‌و وڵاته‌وه‌نده‌یله بده‌راریمنە دەر.
ده ئی په‌یجوورییه، ده‌رئامه‌ی ده کشوه‌ر خریاگه‌سه وه‌ر چه‌م:
یه‌ک- سوویس
سوویس بانترین ناوجا ده ده‌رئامه‌ی دیرێ ک ده سه‌ر هه‌ر که‌سێ له وڵاتوه‌نده‌یله‌ی دبێگه 80560 دولار.
پێشتگری ده‌وڵه‌ت له خاونکاره‌یل و که‌متر مالیات گرتن، بییه‌سه چین خه‌یرێ ئه‌ڕا گشت تا وه ئاسایێشتی ده کار و پێشه‌کاری خوه‌یان بڕه‌سن.
دو- نۆروژ
ناوجای ده‌رئامه‌ێ ئه‌ڕا هه‌ر نۆروژیێ بییه‌سه 75990 دولار.
ئی وڵاته، ده‌ێ شه‌ش ساڵه ک چگ ده لا شاخسه‌یل ته‌وسعه‌ی ئنسانی و رێز گرتن وه ماف مرۆڤ و حوقوق به‌شه‌ر گرتن وه وه‌ر چه‌م، ئه‌وه‌ڵیه‌ک بییه ده دنیا.
سێ- لوکزامبورگ
ده لوکزامبورگ، ناوجای ده‌رئامه‌ی ده سه‌ر هه‌ر ئایمێ بییه‌سه 70260 دولار.
نووهاوه‌ری و وه‌ر کردن وه تکنولووژییه‌یل نووی و ته‌وه‌ڕوم خوار، له ده‌سهاورده‌یل ئی وڵاته‌نه.
چوار- قه‌ته‌ر
ده‌رئامه‌ی هه‌ر قه‌ته‌ری 61070 دولاره.
ره‌وز و روشد ئقتسادی ئی وڵاته وه هانای لائییه‌یل موهاجر وه‌ێ وڵاته بییه و لە سەرا گیانێیان وه نه‌فت و گاز بییە.
مالیات خوار، کار فره و ئستاندارد بان ژیان، ده‌سکه‌فت وڵاتوه‌نده‌یل قه‌ته‌ری بییه.
په‌نج- ئیسله‌ند
60830 دولار، ناوجای ده‌رئامه‌ی هه‌ر ئیسله‌ندییه.
گه‌شتیاری، بانترین ده‌رئامه ئه‌ڕا ئی کشوه‌ر دیارێ و وه کار بردن ئنرژییه‌یل پاک یه‌کێ له تایبه‌تمه‌ندییه‌یل ئی وڵاته‌سه.
شه‌ش -ئامریکا
ده ئیاڵات یه‌کگرتوو ئامریکا، هه‌ر که‌سێ 58270 دولار ئه‌ڕا خوه‌ێ ده‌رارێگه ده‌ر.
ئامریکا وه‌یه‌کگرد، چه‌ن پله که‌فتگه‌سه خوار، ده ئی ساڵه‌یله.
هه‌فت- ئیرله‌ند
ده ئیرله‌ند ده‌رئامه ده سه‌ر هه‌ر که‌سێ 55290 دولاره.
هه‌شت- دانمارک
ده‌رئامه هه‌ر که‌سێ ده‌وره 55220 دولاره.
نۆ- سه‌نگاپوور
ده‌وره‌یله ده‌رئامه‌ی ناوجا ئه‌ڕا هه‌ر که‌سێ، 54530 دولاره.
ده- سووئد
ناوجای ده‌رئامه‌ی سووئدییه‌یله 52590 دولار دبێ.