شەفەق نیوز/ خانمە پارێزەریگ وەرین ئەرا خانمە ئەکتەر ئیتالیا جینا لولوبریجیدا، ئمڕوو دووشەممە، مردن ئەو خانم ئەسارەی ناودیارە راگەیان ک شیوەی لەداڵگبوین نوو پڕ لە ژیان ئەرا ئیتالیا دویای جەنگ جەهانی دویەم خستە وەرچەو، لە تەمەن 95 ساڵە.
لولوبریجیدا وەگەرد ئەسارەیل گەورەیگ لە هۆڵیوود کار کرد، جویر هیمڤری بوگارت و رۆک هیدسون و بیرت لانکستەر و تونی کیرتیس و فرانک سیناترا، و یەکیگ لە ناودیارترین هیمایل سینەما بوی لە پەنجا و شەسەیل سەدەی بیس.
خانمە پارێزەر جۆلیا سیتانی وت: لولوبریجیدا لەناو خەسەخانەیگ لە رۆما گیانی لەدەسدا.
لولوبریجیدا دویای وازهاوردن لە جەهان سینەما بویە وینەگر و پەیکەرساز.
لە سیپتەمبەر، تەقەلای ئەرا رەسین وە کورسی پەرلەمان ئیتالیا وەگەرد حزبیگ سیاسی چەپ شکست هاورد.