شەفەق‌نیوز/ بەهمن نەزەری هونەرمەند ئیلامی، دۆمای چەنی‌چەن ساڵ خزمەت وە جامعەی هونەری ئیلام، مرد.
ئی هونەرمەندە ک هەجوور یەکێ لە ئنیماتۆرەێل دیاری و نامدار ئێران دناسریا وەرد شرکەتەێل گەپ دنیا جوور واڵت‌دیزنی، برایەێل وارنرنیز هامکاری کردگە ئوو یەکجاریش خەڵات زیوین "نوقرەوین" خرس برلین گرتگە.
دە نام ئێرانیش ئەوی خەڵات سیمرخ بلوورین فیلم فەجر ئەڕا ئەنیمەیشن "رێوارەێل ئاسوو/ موسافرین ئوفوق" دە پانزە ساڵ پێش گرت و هەمیش دە چوارمین فستیواڵ ناودەوڵەتی ئەنیمەیشن تێهران، ئەڕا خاتر تیزر تەبلیغاتی "تۆن ماسی/ تۆن ماهی" بی وە چوارم. ئمجا دە نام کتاو رکوردەێل "گینس"یش ئەڕا خاتر سازین 1543 فره‌یم دە یەک‌رووژ، لانام دەس‌سۆوک‌ترین و سەریع‌ترین تەراح کلیدی دنیا ئوو رکوردداری ئی بەشە، نامێ هاتگە.
ئەوی نمایشگاێل نەقاشی و پەیکەرتاشی فرەیێگیش دە ئێران ناگە.
ئی جوانەمەرگە وە بوونەێ ژان کیشان لە لا دەرد جەرگەوە، مرد.