شەفەق نیوز/ هونەرمەن گورانیچڕ هەڵوێست محەمەد نووترین گورانی خوەی وە ناو " پەشیمان ئەبێتەوە" بڵاودەکەێد.
هونەرمەن لە هەشمار فەرمی خوەی لە ئینستاگرام باس لە کارە نووەگتی کەێد و ئوشێد " لە ناخ دڵەو ئێ هەستە هەڵقولیاگە ئەرا بی وەفایگ وتریاس"
بەرهەمەگە لە تێکست و میلۆدی فەریاد مەجید ئابادە، کار ئەرێنجمێنتی وەلایەن ئەفشیین شوکریی کریایە، عەلی شەریفزادە کار میکس و ماسترینگی کردیە، زانیار فەتاح کاری دەرهێنەری کردیە.
ھەڵوێست محەمەد لەداڵگبوی شار ھەڵەبجەس، لە ساڵ ٢٠٠٢ دەسکردیە وە کارەیل ھونەریی، چەندین گورانی و ڤیدیۆ کلیپ تایبەت وەخوەی دیرێد، لە ساڵ ٢٠١٩ بەشداریی فیلم سینەمایی پەیکەر دڵ کردیە و لە فیلمیگیش وە ناو تەمی بابا کارکردیە.